Benaam Sa Ye Dard

Benaam Sa Ye Dard Thehar kyon Nahi Jata,

Jo Beet Gaya Hai Woh Guzar Kyon Nahi Jata ... !

Sab Kuchh To Hai Kya Dhundti Rehti Hai Nigaahein,

Kya Baat Hai Mai Waqt Pe Ghar Kyon Nahi Jata ... !!

Woh Ek Hi Chehra To, Nahi Sare Jahan Mein,

Jo Door Hai Woh Dil Se Utar Kyon Nahi Jata ... !!!

Main Apni Hi Uljhi Huyi Rahon Ka Tamasha,

Jate Hain Jidhar Sab Main Udhar Kyon Nahi Jata ... !!!!

Woh Naam Jo Na Jane Kab Se, Na Chehra Na Badan Hai,

Woh Khawaab Agar Hai To Bikhar Kyon Nahi Jata ... !!!!!

Mujhko Maara Hai Har Ek

Mujhko Maara Hai Har Ek Dard-o-Dawaa Se Pehle

Di Sazaa Ishq Ne Har Jurm-o-Khataa Se Pehle,

Aatish-e-Ishq Bharakti Hai Hawaa Se Pehle

HonT Jalte Hain Muhabbat Mein Dua Se Pehle,

Ab kami kiyaa Hai Tere Be-sar-o-Saamaano ko 

kuch Na Tha Teri Qasam, Tark-o-Fanaa Se Pehle,

Ishq-e-Bebaak ko Daawe The Bohot Khalawat Mein 

kho Diyaa Saaraa Bharam Sharm-o-Hayaa Se Pehle,

Maut K Naam se Darate The Hum, Aye Shauq-e-Hayaat 

Tune To Maar Hi Daalaa Thaa Qazaa Se Pehle,

Hum Unhe Paa K "Firaq" Aur Bhi kuch kho Gaye 

Yeh Takalluf To Na The Ahed-e-Wafaa Se Pehle.