Lab E Khamosh Se Izhar E Tamanna Chahe
Bat Karane Ko Bhi Taswir Ka Lahaja Chahe
Tu Chale Sath To Ahat Bhi Na Aye Apani
Daramiyan Ham Bhi Na Ho Yun Tujhe Tanha Chahe
Zahiri Ankhon Se Kya Dekh Sakega Koi
Apane Baton Pe Bhi Ham Fash Hona Chahe
Jism Poshi Ko Mile Chadar E Aflak Hamay
Sar Chupane Ke Liye Wusa`At E Sehara Chahe
Khwab May Roye To Ehasas Ho Sairabi Ka
Ret Par Soyen Magar Ankh May Dariya Chahe
Bhent Char Jaun Na Main Apane Hi Khair O Shar Ki
Khun E Dil Zabt Kare Zakhm Tamasha Chahe
Zindagi Ankh Se Ojhal Ho Magar Khatm Na Ho
Ek Jahan Aur Pas E Parda E Duniya Chahe
Aj Ka Din To Chalo Kat Hi Gaya Jaise Bhi Kata
Ab Khuda Band Se Khairiyat E Farda Chahe
Aise Tairak Bhi Dekhe Hain `Muzaffar` Hamane
Garq Hone Ke Liye Bhi Jo Sahara Chahe
No comments:
Post a Comment