Bachpan Ka Zamana Hota Tha

Bachpan Ka Zamana Hota Tha
Khushiyon Ka Khazana Hota Tha

Chahat Chaand Ko Paane Ki
Dil Titli Ka Deewana Hota Tha

Khabar Na Thi Kuch Subah Ki
Na Shaamo Ka Thikana Hota Tha

Thak-Haar Ke Aana School Se
Par Khelne Bhi Jana Hota Tha

Dadi Ki Kahani Hoti Thi
Pariyo Ka Fasana Hota Tha

Baarish Me Kagaz Ki Kashti Thi
Har Mausam Suhana Hota Tha

Har Khel Me Saathi Hote The
Har Rishta Nibhana Hota Tha

Papa Ki Wo Daante Galti Par
Mummy Ka Manana Hota Tha

Gam Ki Zubaan Na Hoti Thi
Na Zakhmo Ka Paimana Hota Tha

Rone Ki Wajah Na Hoti Thi
Na Hasne Ka Bahana Hota Tha

Ab Nahi Rahi Wo Zindagi Jaisa
Bachpan Ka Zamana Hota Tha